[ ڷـحـظـة ۈداع..~
[ ڷـحـظـة ۈداع..~
[ ڷـحـظـة ۈداع..~
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

[ ڷـحـظـة ۈداع..~

عـــالم لاسكـون له .. =/
 
الرئيسيةالبوابةأحدث الصورالتسجيلدخول

 

 روايه مجنون ساره

اذهب الى الأسفل 
5 مشترك
كاتب الموضوعرسالة
احلى هندو

احلى هندو


عدد المساهمات : 166
تاريخ التسجيل : 16/03/2010

روايه مجنون ساره Empty
مُساهمةموضوع: روايه مجنون ساره   روايه مجنون ساره Emptyالإثنين مارس 29, 2010 7:24 am

السلام عليكم

كيف الحال


اتمنى تعجبكم القصة


اناقريتهااا وصرااحه اعجبتني




بنقل لكم جزء واااحد وااذا شفت فيه تفااعل مع القصه اكمل



واذا مااشفت تفااعل اشيل عفشي واطس


الأول _

كانت ساره دلوعه اهلا والكل يحبها وكانت تتمتع باجمل الصفات من جمال واخلاق طيبه وذكاء واما جمالها فخلو على صوب لانها صدق كانت قمر ..كل اللي يشوفها يتخبل على جمالها .. وهي عمرها 19 سنه يعني في اول سنه جامعه وعندها صديقه روح بالروح وياها وهي رريم لان ساره كانت وحيده فعشان جذي تعتبر ريم اختها وصديقتها وكل شي ..

والقصه تبتدي ::


ام ساره : حبيبتي سارونه وينج ساره

ساره : هلا امي انا بغرفتي
طلعت ساره من غرفتها عشان تشوف امها شو تريدها
ام ساره: وينج ساره من متى اناديج حبيبتي
ساره : امي كنت اكلم ريم ربيعتي .
ام ساره : وتضحك والله اني اغار من هالريم . كل وقتج وياها
وضحكت ساره وحضنت امها وقالت : محد مثلج يا حلى واروع ام بالعالم ..
ام ساره : يالله خلي عنج هالكلام : تقول حبيبتي سارونه لاتنسين عزيمه خالتج لنجاح بنته انوره من الثانويه
ساره : اكيد امي مب ناسيه افا وانا اقدر انسى نجاح نوره .
وراحت ساره واتلبست ولبست احلى ما عندها واتمكيجت بمكياج خفيف وبسيط
ام ساره : دخلت على ساره تشوفها خلصت ولا
وشافت ام ساره ساره بجمالها وكشختها وقالت لها : ماشاء الله عليج يا بنتي طالعه مثل القمر اقري على عمرج يا بنتي اخاف يحسدونج
ساره وهي مبتسمه : على شو يحسدوني امي
ام ساره : سارونه بلا حركات تعرفين انج حلوه والكل يمدح فيج من صغرج :
ساره " اكيد لاني طالعه على امي حبيبة عمري

صدقها الام لان ساره مب بس حلوه بل فاااااتنه.. شعرها البني على العسلي وعيونها العسليات الحلوات الوساع اللي كانها عيون الغزال وجسمها كان صدق متناسق كانها عارضه أزياء .

ام ساره: يالله خلي عنج هالكلام ويالله نروح تاخرنا الدريول يتريانا في السياره
وراحو كلهم العزيمه
وكانت ساره احلاهم
ويت ساره وسلمت على بنت خالتها نوره وباركتلها على نجاحها
نوره : زين ييتي شو هالتاخير كله ؟
ساره : بعد تعرفيني يوم اختار بدله ولبس كيف اتاخر
نوره : بس ماشاء عليج طالعه قمر .. غطيتي علي ..
وضحكت ساره
وقالتلها ساره: محد يغطي على رقه وحلاة بنت خالتي نوره
ويت من وراهم هند اللي هي بعد بنت خالتها يعني اخت نوره وهند اكبر عن ساره بسنتين وهند تغار من ساروه وايد لانها احلاهم ولان الكل يحبها ويحترمها
يت هند وقالت لها مب من خاطرها " هلا ساره
ساره: هلا ببنت خالتي هند شو اخبارج واخبار الدوام
هند : اكيد تمام
وراحت عنها هند
ساره وهي مستغربه : بلاها هند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منج
ساره : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا ساره وامها
وكانو يتكلمون ويضحكون وفجاه دخل ولد خالتها اللي هو اخوهم خالد
خالد كان اكبر اخوانه وكان طيب وخلوق ووسيم وكل البنات متخبلين عليه ويتريون نظره منه بس هو قلبه مب ملك أحــد غير (ســــاره ).
بعد ومن صغره كان متيم في ساره مب بس متيم بل يموت فيها : ودخل وفجاه شاف ساره .. وكان يشوفها بنظرات وحب ويقول في خاطره : ساره هني واخيرا وينج يا نبض قلبي وينج عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته ساره . وكانت هند تشوف ساره بنظرات كلها غيره

وساره استحت واحمرت ونزلت راسها .
خالد بعد استحى ودعى على هند في خاطره
خالد " السلام عليكم اشحالج بنت خالتي ساره
ساره : الله يعافيك خالد انت شو اخبارك .
ام ساره : بس ساره ونحن وين رحنا
ضحكو كلهم على خالد لان ما كان يشوف الا ساره
وخالد أبد ما كان يتكلم لانه بس يريد يشوف حبيبته ساره .
وقالها وهو يشوفها من فوقها لين تحتها .
خالد : ماشاء الله عليج يا بنت خالتي طالعه اليوم ملاك .
ساره صدق ويها محمر : عيونك الاحلى بس عاد لا تبالغ
خالد : وربي ما ابالغ المينون اذا شاف جمالج راح يصحى

نوره : عيل خلا نودي ساره مستشفى الميانين عشان كلهم يصحون ويستوون زينين .
وهني الكل تم يضحك
بس خالد كان تفكيره كله في ساره .
ام ساره " يالله عن اذنكم بنروح البيت الوقت تاخر
ام خالد : وين تو الناس بعدنا ما شبعنا منكم
ام ساره : الود ودنا نتم لين الفير بس ما يصير
ساره : اكيد القعده وياكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت ساره عند خالد
. وهي منزله راسها : مع السلامه يا ولد خالتي
خالد وعيونه على ساره : مع السلامه يا القمر اووووه قصدي يا بنت خالتي
وعلى طول ساره طلعت لانها صدق استحت وما تعرف كيف ترد على كلمات خالد العذبه .
وبعد ما وصلت ساره البيت
كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره لان من هو صغير يحبها..

وراح عند امه باخرالليل

وتم يدق الباب على غرفه امه
خالد : امايه امايه افتحي الباب
ام خالد: مستغربه : خالد شوفيك وين يعورك شو فيهم خواتك ..؟
خالد : باسم الله عليج امي ما فينا شي
ام خالد : عيل ليش ياي هالوقت تعرف ساعه كم
خالد هي الساعه 2 ونص شو يعني .. المهم امي الله يخليج ابي اقولج شي
ام خالد فتحت الباب وهي مستغربه من خالد وتشوفه بنظرات غريبه
ام خالد : قول اللي عندك يا خالد شو فيك ؟
خالد امي تعرفين اني احب ساره بنت خالتي من صغري ويا هالوقت اللي تخطبينها لي امي اخاف احد ياخذها مني واذا احد خذاها بموت يا امي تعرفين شو يعني بموووووووت .
ام خالد وهي تضحك على خالد . باسم الله عليك من الموت يا خالد
الله ياخذ بليسك يا خالد موعينا هالوقت علشان هالسالفه .. لا تخاف ساره ان شاء الله ما بتكون الا لك
خالد: ابيج تكلمين امها باجر اوكي
ام خالد : خلاص حبيبي تم بس انت روح نام الحين


والبقيه لما اشوف ردودكم إذا عجبتكم راح اكمل مااعجبتك ماراح اكمل .........


احلى هندو .. :P
الرجوع الى أعلى الصفحة اذهب الى الأسفل
أحلاكم

أحلاكم


عدد المساهمات : 221
تاريخ التسجيل : 18/03/2010

روايه مجنون ساره Empty
مُساهمةموضوع: رد: روايه مجنون ساره   روايه مجنون ساره Emptyالأربعاء مارس 31, 2010 5:42 am

احلى هنو
تجنن القصة اذا محد رد كمليها لي ق0 ق1 أسووي1
يسلمو على القصة..
انشاله اشوف تكملتها

أحلاكم حبتين1
الرجوع الى أعلى الصفحة اذهب الى الأسفل
~jojo

~jojo


عدد المساهمات : 40
تاريخ التسجيل : 22/03/2010

روايه مجنون ساره Empty
مُساهمةموضوع: رد: روايه مجنون ساره   روايه مجنون ساره Emptyالأربعاء مارس 31, 2010 9:50 am

كملي ما عليك الروايه حلوه بس يا خوفي انتي الي في القصه ي3
الرجوع الى أعلى الصفحة اذهب الى الأسفل
احلى هندو

احلى هندو


عدد المساهمات : 166
تاريخ التسجيل : 16/03/2010

روايه مجنون ساره Empty
مُساهمةموضوع: رد: روايه مجنون ساره   روايه مجنون ساره Emptyالخميس أبريل 01, 2010 5:17 am

jojo ايش قصدك ضرب2

ومشكوووووره يا احلاكم بس انتي مو احلانا نن1

يا حبي لكم يا jojo و احلاكم 1friend

احلى هندو .. إ2
الرجوع الى أعلى الصفحة اذهب الى الأسفل
نجمة سماء




عدد المساهمات : 152
تاريخ التسجيل : 23/03/2010

روايه مجنون ساره Empty
مُساهمةموضوع: رد: روايه مجنون ساره   روايه مجنون ساره Emptyالخميس أبريل 01, 2010 8:03 am

وعليكم السلام ..
ما قصرتي ..
روآيهـ مميزهـ ..
بس ما فهمت ما تتغطى من ولد خالتها ..؟
الرجوع الى أعلى الصفحة اذهب الى الأسفل
احلى هندو

احلى هندو


عدد المساهمات : 166
تاريخ التسجيل : 16/03/2010

روايه مجنون ساره Empty
مُساهمةموضوع: رد: روايه مجنون ساره   روايه مجنون ساره Emptyالأحد أبريل 04, 2010 6:38 am

لا في الكويت مايتغطون
الرجوع الى أعلى الصفحة اذهب الى الأسفل
# ساري الليل #

# ساري الليل #


عدد المساهمات : 34
تاريخ التسجيل : 04/04/2010

روايه مجنون ساره Empty
مُساهمةموضوع: رد: روايه مجنون ساره   روايه مجنون ساره Emptyالجمعة أبريل 23, 2010 7:24 am

مشكورة يا احلى هندو بس ابي اسال سؤال

هم امراتين صح ؟؟

لان هذا كلامهم : شو _ شخالج _...... الخ






ساري الليل afro
الرجوع الى أعلى الصفحة اذهب الى الأسفل
 
روايه مجنون ساره
الرجوع الى أعلى الصفحة 
صفحة 1 من اصل 1
 مواضيع مماثلة
-
» روايه مجنون ساره (2)
» مجنون ساره (3)

صلاحيات هذا المنتدى:لاتستطيع الرد على المواضيع في هذا المنتدى
[ ڷـحـظـة ۈداع..~ :: - قصص وحكايات وروايـات-
انتقل الى: